Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Некаторыя (а можа нават многія) думаюць, што нянавісьць да беларушчыны – гэта прэрагатыва лукашыстоўскай дрыгвы. Аж не, акупацыйная сістэма настварала шэраг іншых ачагоў антынацыянальнай дзейнасьці. Паводле законаў мімікрыі, там атабарыліся істоты, якія без плашчаднай грубасьці, гэтак інтэлектуальненька, схаластычненька растлумачаць нам “о выборе языка”. Яны нават паклянуцца, што іхнія дзеці “воспитываются на белорусском языке” (тут яны хлусяць, як хлусяць ва ўсім). Яны салодкімі галасамі хімер будуць завабліваць нас у сваю акупанцкую гнілізну, пераконваючы, як добра і камфортна будзе нам разам зь імі без роднай мовы пасярод царства земнаводных, машкары і задушлівых выпарэньняў. Ім цёпла ў русіфікатарскім балоце. Акупацыйныя гаспадары выдзелілі ім шчодра аплочаны сэктар у сваім сатанінскім крузе зьнішчэньня ўсяго роднага і сьвятога для беларусаў. Асабліва выдзяляецца тут кантора тав. Зісера – TUT.BY. Многія людзі штодня чэрпаюць з гэтай “інфармацыйнай крыніцы” і мяркуюць, што сталіся членамі “інтэлектуальнай апазыцыі лукашызму”. Прапануем пазнаёміцца з чарговым хімерычным сьпевам гэтай фальшывай, падсадной публікі. Антыбеларускі артыкул надрукаваны пад псэўданімам «Татьяна Яворская». Калі з Божай дапамогай настане сьветлая раніца вызваленьня, беларусы пагоняць з сваёй зямлі oсю гэтую д’ябальшчыну. Сяргей Камароўскі 7/6/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
