Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
“ДэмСМІ” ў Беларусі актыўна паведамляюць пра “устаноўчы зьезд” таго, што намагаецца заняць сабой нішу мясцовай хадэцыі. БХД урэшце дачакалася абяцанкі ад рэжыму зарэгістраваць яе. Паведамленьні “дэмСМІ” вытрыманыя ў пафасным тоне. Цытуем з праграмы БХД “самае пафаснае”: 1.2.5. Для нас нацыянальная ідэя – гэта не тое, што народ думае пра сябе ў часе, а тое, што Бог думае пра гэты народ у вечнасці. Мы пазнаем замысел Божы для Беларусі ў хрысціянскім змесце нацыянальнай ідэі, нацыянальных сімвалах, асаблівасцях менталітэту, гістарычнай місіі і культуры, асобах герояў. Для нас відавочна – нацыянальная свядомасць робіць веру ў Хрыста больш глыбокай, а вера адкрывае несвядомаму Радзіму. (Канец цытаваньня). Гэта ж трэба было так закруціць! Тамаш Аквінскі і сьвятыя Геранім з Аўгустынам так ня здолелі б. І вось чаму. Таму што тэкст з “праграмы БХД” – гэта толькі да бляску нашмараваныя літары, прадмет фальшывай схаластыкі. Гэта з савецкага містычнага шэрагу: “Ленин живее всех живых!”, “Ленин жил, Ленин жив, Ленин будет жить” і падобнага. Яны толькі ўставілі слова “Бог” замест ключавога імя, папулярнага ў бальшавіцкай сэкце. (Але ў палітыцы са словам Бог трэба абыходзіцца вельмі асьцярожна.) Мы перш за ўсё зьвяртаем увагу не на псэўдабагаслоўскі стыль наваяўленых містыкаў. Галоўнае палягае ў тым, што на працягу некалькіх гадоў пасьля свайго самаабвяшчэньня “БХД” не запомнілася якімі-кольвечы добрымі справамі. Хаця не, нечым жа запомнілася. Яе начальнікі і некалькі “актывістаў” актыўна ўдзельнічалі ў электаральных шоў антыбеларускага рэжыму, заклікалі беларусаў ісьці галасаваць і нават высоўваліся на кандыдатаў. Тое было, але падтрымка рэжыму – гэта дрэнная справа. Увогуле хрысьціянскія партыі палітычна і вэрбальна звычайна арыентуюцца на ўсё грамадзтва (гэтага вымагае палітыка). Тым часам БХД увесь час дэманструе погляд і падыход нейкай хрысьціянскай сэкты (арыентацыя толькі на хрысьціянскіх вернікаў, прытым на адну канфэсію). Дзіўна ўсё гэта выглядае (для тых, хто не разьбіраецца ў прычынах). Зразумела, што неўзабаве БХД (ужо цалкам легалізаваную) падключаць да фінансавых плыняў з мэтай апрацоўкі нашага грамадзтва і накіраваньня яго на бессэнсоўны выбарчы фарс. Тое, што яны кажуць цяпер (“ня пойдзем, пакуль ня вызваляць Статкевіча!”), абсалютна ня важна. Ўсё пойдзе па ўежджанай дарожцы. Сяргей Камароўскі 18/6/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
