Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Зянон ПАЗЬНЯК: ШТО ТАКОЕ БАЙКОТ У каторы раз мушу сказаць, наколькі важна адпаведна і рэалістычна ацэньваць сістэму і непрыяцеля, супраць якога ідзе грамадзкае змаганьне. Аўтарытарная антыдэмакратычная сістэма стварае антыдэмакратычнае заканадаўства і рэпрэсуе людзей, як правіла, пасьля факту парушэньня гэтага антынароднага заканадаўства. Аўтарытарная акупацыйная сістэма (такая, якая сфармавана ў Беларусі ў выніку ўнутранай прамаскоўскай акупацыі) стварае сваё акупацыйнае заканадаўства і рэпрэсуе людзей прэвентыўна перад магчымым парушэньнем гэтага звыродлівага заканадаўства. Гэта ёсьць характэрная акупацыйная палітыка, стан вайны супраць беларускай нацыі і яе насельніцтва, бо рэпрэсуюць нязгодных, якія яшчэ нават не парушылі акупацыйныя законы сістэмы. Такое становішча (калі супраць палітычных апанэнтаў ніякія законы ня маюць значэньня і не прымаюцца рэжымам пад увагу) вымагае адпаведных спосабаў барацьбы з сістэмай, якія дазваляюць захоўваць і пашыраць нацыянальную, дэмакратычную і інтэлектуальную сілу народа, зьберагчы людзей ад рэпрэсіяў. Такім спосабам, прапанаваным і ўведзеным ў дзеяньне нашай народнай партыяй Народнага Фронту, зьяўляецца БАЙКОТ. Байкот — гэта няўдзел у рэжымных мерапрыемствах і дзеяньнях акупацыйнай улады, пачынаючы ад фальшывых выбараў і канчаючы афіцыйнымі сьвятамі і рознымі кампаніямі, ініцыятывамі ды зборкамі. Байкот рэжыму — гэта перш за ўсё стварэньне альтэрнатыўнай, паралельнай, незалежнай ад улады міжлюдзкай сістэмы беларускага існаваньня. Тут і альтэрнатыўнае нацыянальнае навучаньне дзяцей, і супольнасьць беларускіх сем’яў, і альтэрнатыўная навука, пратэстнае мастацтва, салідарная праца, рэлігія, і нават сістэма абслугі і спажываньня — цэлы пласт беларускага жыцьця, які самакіроўна можа разьвівацца, байкатуючы афіцыйны рэжым і яго палітыку. Ідэалёгіяй байкоту зьяўляецца беларускае нацыянальнае асьветніцтва людзей, якое разьвіваецца насуперак антыбеларускай палітыцы ўлады. Супраць палітыкі байкоту, (якую ад пачатку стагоддзя дэкляравала наша народная партыя Народнага Фронту КХП — БНФ) яра выступіў лукашысцкі рэжым, і асабліва яго псэўдаапазыцыя. Тым часам цяпер у сувязі з падтрымкай ідэі байкоту фальшывых выбараў у грамадзтве і ў сувязі са спыненьнем фінансаваньня псэўдаапазыцыі з Захаду і Усходу, яна раскалолася на дробныя кавалкі і ў бальшыні стала падтрымліваць байкот фальшывых выбараў. У плане ацэнкі цяперашняга становішча тут факт станоўчы, але для псэўдаапазыцыі тымчасовы, бо байкот, палітыка байкоту — гэта ня толькі байкот выбарчага фарса, але байкот усёй антыбеларускай сістэмы акупацыйнай улады. Гэта абавязковае пазытыўнае дзеяньне па стварэньні паралельнага нацыянальнага існаваньня, пашырэньні нацыянальнай асьветы і ўзаемадапамогі беларускіх людзей. Жыве Беларусь! Слава Айчыне! 4 кастрычніка 2015 г. Зянон ПАЗЬНЯК 5/10/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
