Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Больш сірыйцаў уцякае ад Асада, чым ад Ісламскай Дзяржавы Каля трох чацьвертых сірыйцаў, якія ідуць у Эўропу, уцякаюць ад бомбаў прэзыдэнта Башара аль-Асада, а не ад Ісламскай Дзяржавы (ІД). Толькі 8 адсоткаў зь іх мяркуюць застацца ў Эўропе. Гэта вынікае з дасьледваньня сярод 889 уцекачоў, якія нядаўна прыбылі ў Нямеччыну. Гэта было першае дасьледваньне такога кшталту. Дасьледваньне праводзілася незалежным WZB Social Science Research Center у Берліне на просьбу некалькіх групаў сірыйскіх актывістаў. Цяпер, калі яны знаходзяцца ў Эўропе, сірыйскія ўцекачы выказваюцца шчыра, ня так, як у некаторых суседніх з Сірыяй краінах, дзе знаходзяцца мільёны ўцекачоў. 72 адсоткі ўцекачоў ад вайны кажуць, што ўцяклі ад гвалту з боку рэжыму прэзыдэнта Башара аль-Асада. Прыкладна адзін з трох пакінуў Сірыю, уцякаючы ад Ісламскай Дзяржавы (ІД), некаторыя ўцяклі ад камбінацыі бамбардовак з боку гвалтоўнага рэжыму іншых апазыцыйных груповак. 52 адсоткі апытаных сказалі, што хацелі б вярнуцца ў Сірыю пасьля падзеньня рэжыма Асада. Каля чатырох з пяці ўцекачоў назвалі мілітарны адказ рэжыма Асада на пачатковыя мірныя дэманстрацыі прычынай сірыйскага крызісу. Вось, што прыкметна: толькі восем адсоткаў апытаных маюць планы заставацца ў Эўропе пасьля заканчэньня вайны. Паўстае пытаньне, ці гэтая лічба будзе заставацца такой жа нізкай, калі вайна зацягнецца на гады. Ёрн Дэ Кок Пераклаў з нідэрляндскай В. Буйвал. 13/10/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
