Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
“Калі нас будуць працягваць рассеіваць, наша супольнасьць зьнікне”, — папярэдзіў Мансіеньёр Пэтрус Мушэ, арцыбіскуп Сірыйска-Каталіцкага Касьцёла ў Масуле. На працягу многіх месяцаў цэлымі сем’ямі хрысьціянскія ўцекачы штодня выпраўляюцца з Эрбіла ў Эўропу або Злучаныя Штаты. Праз адзін год бежанства іхняя сітуацыя застаецца складанай. Пэрспэктыва вярнуцца ў свае дамы з кожным днём аддаляецца, і яны рыхтуюцца правесьці другую зіму ў лягярох. “Сем’і разарваны, усё больш і больш сем’яў ад’язджаюць, а гэта неацанімая страта для нас”, – тлумачыць Мср Пэтрус Мушэ, робячы падлікі: “У нашай дыяцэзіі сёньня 12000 сем’яў, каля 50000 асобаў. Гэта ёсьць траціна ўсіх сірыйска-католікаў. Аднак калі мы будзем і надалей рассейвацца, наш народ зьнікне”. Каб спыніць распад, Мср Мушэ сёньня абараняе радыкальнае рашэньне: “Вашы ўрады прымаюць нашы сем’і па жменьцы, вось і ўсё. А па-сапраўднаму, трэба дазволіць ім трымацца разам, пераязджаць па 400-500 сем’яў адразу. Згуртаваныя, яны будуць мацней, іхнія дзеці будуць вучыцца разам, яны змогуць размаўляць на сваёй мове і жыць у сваёй веры”. Такое рашэньне гучыць як нешта паваротнае, бо дагэтуль біскуп Масула і Карадоша заклікаў адно да таго, каб вернікі ўтрымаліся ў Іраку. Але мэта застаецца тая самая: дазволіць урэшце сем’ям вярнуцца ў свае вёскі, якія цяпер знаходзяцца пад кантролем Даэха. “Як толькі іхнія вёскі будуць вызвалены, яны б хацелі вярнуцца дахаты”, — запэўнівае Мср Мушэ. Біскуп абараняе сваю ідэю ва ўсіх установах замежжа. “У вас ёсьць пустыя вёскі ў Францыі. Прыміце нас да часу, пакуль ня будуць вызвалены нашы вёскі”, — запрапанаваў ён на гэтым тыдні на Кэ Д’Арсэ. Раней ён выказаўся ў гэтым сэнсе перад нямецкім парлямантам, у Канадзе… У Чэшскай Рэспубліцы прэм’ер-міністар узяўся прыняць 400 асобаў. Як абураецца Мср Мушэ: “Дагэтуль нічога ня зроблена для нас”. Эдуар дзё Марэшаль Пераклаў з французкай В. Буйвал. 19/10/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
