Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Сеціва гудзіць. Шырока распаўсюджваецца фота чатырох маладых кадэтаў з-пад Баранавічаў, якія сфатаграфаваліся з выявамі “Пагоні”. 16-гадовымі юнакамі ўжо занялася лукашыстоўская адміністрацыя. Начальства ім заявіла, што яны будуць звольнены з вучэльні, аднаго зь іх ужо звольнілі. Такая вось рэакцыя акупацыйнага афіцыёзу на шчырую праяву маладымі людзьмі патрыятызму і павагі да нацыянальнай сьвятыні. Для афіцыёзу гэта злачынства. Ня трэба гэтаму зьдзіўляцца. У нашай краіне існуе антынацыянальны, акупацыйны па сутнасьці рэжым, кіруемы з Масквы. Задача гэтага рэжыму – зьнішчэньне ўсяго сьвятога і беларускага на нашай тэрыторыі і ў душах людзей. Гэтаму трэба супрацьстаяць. Самай разумнай рэакцыяй была б кампанія салідарнасьці з чатырма маладымі патрыётамі па ўсяе Беларусі. Іхнія сем’і павінны былі б падаць у суд на службовых асобаў, якія зьдзяйсьняюць ціск і перасьлед беларусаў паводле такіх дзікіх абвінавачваньняў. Але ёсьць таксама яшчэ адна лекцыя для маладых людзей. Калі вы знаходзіцеся ў спэцыфічных умовах казармы, пад строгай дысцыплінай, пад афіцыйнай камандай варожых для Беларусі асобаў, то не падстаўляйце сябе. Вучыцеся ваеннай справе, засвойвайце вайсковую спэцыяльнасьць, вучыцеся валодаць зброяй. Фармуйцеся для абароны Бацькаўшчыны. А тым часам дыскрэтна і без лішніх дэманстрацый чытайце беларускія кнігі, вывучайце нашу культуру і гісторыю, вучыцеся любіць наш народ. Не падстаўляйцеся пад брутальны перасьлед. Настане сьветлы дзень, і спатрэбяцца вашыя веды, і мы ўздымем над краінай сьвяты Бел-Чырвона-Белы Сьцяг. А ворагі будуць адпаўзаць “восвоясі” – у сваю цемру. Павел Гулевіч 19/10/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
