Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Дзень Лачплэсіса – сьвята вайсковай славы Латвіі Прамова Прэзыдэнта Латвіі Раймонда Вэяніса на вайсковым парадзе ў Рызе, 11 лістапада – гэта сьвята. Гэта сьвята, калі мы ўшаноўваем латышскіх ваяроў, што ў Вызвольным змаганьні абаранілі новаствораную Латышскую дзяржаву. У гэтым сьвяце наш гонар за сьмеласьць і мужнасьць абаронцаў нашай дзяржавы. Гэта ёсьць дзень, калі мы, бачачы ў вачах кожнага ваяра сапраўдную рашучасьць бараніць сваю дзяржаву, знаходзім душэўны спакой і адчуваем натхненьне. Час пасьля Першай сусьветнай вайны прынёс у Эўропу новы подых. Краіны, якія на працягу доўгіх стагоддзяў імкнуліся да волі, сталіся незалежнымі. У 1918 годзе нарадзілася таксама Латышская дзяржава, але зь яе ўзьнікненьнем вайна, на жаль, ня скончылася. На толькі што заснаваную дзяржаву напалі як з усходу, так і з захаду, і свабода Латвіі была зусім крохкая. Сёньня мы можам ганарыцца тым, што ў Латвіі былі сьмелыя мужчыны, гатовыя ўстаць і загінуць за незалежную і вольную Латышскую дзяржаву. Яны былі гатовыя са зброяй у руках ваяваць за сваю дзяржаву! Сярод іх былі нават 14-20-гадовыя падлеткі і юнакі з Валміеры і Цэсіса, якіх мы памятаем як сьмелую роту школьнікаў з Цэсіса і якія для многіх могуць служыць асновай нацыянальнай самасьвядомасьці. Гэтыя ваяры змагаліся, ня просячы за гэта аплаты, але – як і латышскія стралкі сто гадоў таму – яны хацелі стацца абаронцамі сваёй радзімы. Таму я з падзякай згадваю ўдзельнікаў змаганьня за волю, асабліва палкоўнікаў Оскара Калпакса і Ёргіса Зэмітанса, генэралаў Яна Балодса і Пэтэра Радзіньша, якія, ўсьведамляючы няроўнасьць сілаў і ў той жа час верачы ў сваю зямлю, прывялі войскі Латвіі да перамогі. Дзякуй за іхні неад’емны і неацанімы асабісты ўнёсак у тое, каб мы сёньня маглі сьвяткаваць дзень Лачплэсіса! Сёньня мы жывем у вольнай дзяржаве. У свой час мы заваявалі сваю волю ў баях, аднак дзяржаўная незалежнасьць – гэта не само сабой зразумелае і гарантаванае назаўжды. Нават калі цяпер ніводная ваенная сіла не пагражае нашай незалежнасьці наўпрост, мы павінны быць гатовыя і здольныя разам з сваім хаўрусьнікамі абараніць сябе і нашу дзяржаву. Мы павінны быць моцнымі і мудрымі; мы павінны быць поўныя рашучасьці для супрацоўніцтва, бо мы належым да сям’і Я ўпэўнены, што наша армія і кожны жаўнер самаахвярныя, сьмелыя і прафэсійныя, — на іх можна спалягаць. Ваяр, які любіць сваю зямлю, гатовы ісьці за яе на бой. Мы ганарымся сваёй дзяржавай, кожны з нас гатовы штодня рабіць усё, каб у нашай дзяржаве панаваў дабрабыт, каб мы пачуваліся тут у бясьпецы і каб, калі імя Латвіі прагучыць у сьвеце, іншыя пачулі яго ў захапленьні. Будзем ганарыцца сваёй дзяржавай, за якую нашыя продкі заплацілі так дорага. Ганарымся Латвіяй, якую столькі разоў у нас спрабавалі забраць! Я ганаруся нашымі ваярамі і Латвійскай арміяй! Божа, сьвяці Латвію! Пераклаў з латышскай В. Буйвал. 16/11/2015 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
