Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Нешта напала на маскоўскіх генэралаў У Расеі працягваецца шэраг загадкавых сьмерцяў высокапастаўленых вайсковых і вышэйшых афіцэраў спэцслужбаў, якія маглі б стацца каштоўнейшымі сьведкамі па крымінальнай справе супраць кіраўнікоў РФ у міжнародным Гаагскім трыбунале па ваенных злачынствах. Усьлед за генэралам-дэсантнікам Аляксандрам Шушукіным, які камандваў апэрацыяй па акупацыі ўкраінскага Крыму і раптоўна памёр 27 сьнежня ва ўзросьце ўсяго толькі 59 гадоў нібыта ад “сардэчнага прыпадка”, пайшоў з жыцьця кіраўнік адной з асноўных расейскіх спэцслужбаў – начальнік Галоўнага разьведвальнага ўпраўленьня Генштаба РФ (ГРУ) Ігар Сяргун. На афіцыйным сайце Крамля 4 студзеня ўжо зьявілася спачуваньне, падпісанае асабіста прэзыдэнтам РФ Уладзімерам Пуціным. Кіраўнік ГРУ Сяргун памёр зусім раптоўна і таксама ў адносна маладым узросьце 59 гадоў. Вядома, што менавіта ён узначальваў многія апэрацыі расейскай арміі ў акупаваных раёнах Данецкай і Луганскай вобласьцяў Украіны, дзе былі ўзятыя ў палон, а потым асуджаны кіеўскім судом двое ягоных падначаленых. Балазе, хутчэй за ўсё Сяргуна вырашылі выдаліць па зусім іншай прычыне. Днямі эўрапейскія СМІ паведамілі, што прыватная брытанская агенцыя рассьледваньняў Bellingcat перадала Пракуратуры Нідэрляндаў матар’ялы, у якіх пайменна пазначаныя 17 расейскіх вайскоўцаў, далучных да зьнішчэньня над Данбасам ракетай расейскага комплексу СПА “Бук-М1” цывільнага самалёта Боінг-777 рэйса малайзійскай авіякампаніі, дзе загінулі амаль трыста пасажыраў і членаў экіпажа. Відавочна, што генэрал Сяргун выдатна ведаў, якім чынам быў дастаўлены з Расеі ва Украіну злавесны зэнітна-ракетны комплекс, хто сядзеў за яго пультам кіраваньня і хто канкрэтна аддаў злачынны загад на зьнішчэньне замежнага цывільнага самалёта. Цяпер паказаньняў генэрала ў Гаагскім трыбунале ўжо гарантавана не пачуюць. Пераклад з расейскай. Крыніца: http://by24.org/2016/01/04/head_of_russian_gru_general_sergun_is_mistacally_dead/ 14/1/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
