Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Пад шумок апошняй берлінска-брусэльскай маніпуляцыі з адменай абмежаваньняў для сьпіса лукашыстоўскіх чыноўнікаў вызначылася фэнамэнальная “дыпламатыя РБ”. СМІ паведамілі, як “у Міністэрстве замежных спраў адбылася літаратурная імпрэза «Ў дыялёгу культур». Яна была арганізаваная міністэрствам і літаратурным музэем Янкі Купалы і прымеркаваная да Міжнароднага дня роднай мовы”. Саліраваў на міністэрскім ранішніку як мае быць тав. Макей. Саліст нават вершыкі па-беларуску выканаў, ігралі скрыпачкі. Здавалася б, вось як добра, да беларушчыны вяртаюцца. Але нават паслужлівыя рэжыму “дэмСМІ” не маглі стрымацца, паведаміўшы, што “вяртаньне адбылося на адзін дзень”. А наогул, што гэта за назва-дэвіз – “У дыялогу культур”? З чым яшчэ павінна “весьці дыялог” культура ўдзяржаўленага карэннага народа Беларусі? Ня могуць чынадралы адшкандыбаць ад свайго фальшывага “двуязычія”, якое на самой справе зьяўляецца вырабленай і цынічнай формай русіфікацыі і зьнішчэньня ўсяго беларускага. Ды і сама падзея ў цэлым насіла інфантыльна-экзатычны характар. Справа дыпламатаў (сапраўдных, канешне) – не вершы дэкламаваць і карагоды вадзіць. Гэтым ёсьць каму заняцца ў нашым народзе. Вось бы ўзялі ды праявілі любоў да Беларусі і прафэсіяналізм хаця б у якім жэсьце супраць маскоўскай акупацыі, у якім дробненькім дакуманціку. А яны на сцэну лезуць, позы займаюць. Хаця іх можна зразумець. Як толькі ад карагодаў яны паспрабавалі б зрабіць паўкроку ў бок прафэсіяналізма, то зь іх адразу ж Масква скалаціла б групу “Маскі-шоў”, а ў “дыпламаты” запісала б іншых, больш кемлівых “рабят“. Алесь Хадасевіч 24/2/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
