Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Віталь Портнікаў: Савецкая мова Знакаміты расейскі філосаф прафэсар Мікалай Вахцін ў сваіх дасьледваньнях аб “савецкай мове” даказаў існаваньне “добрых” і “дрэнных” словаў, якія не ўжываюцца ў правільным кантэксьце. Таму “добрая” Савецкая Армія не ваявала з “добрым” аўганскім або вугорскім народамі – толькі з “агентамі ЗША” і “ворагамі народа”. Пуцінская Расея, гэты абрубак СССР, які сьцякае крывёй, таксама не ваюе з украінскім народам – народ “добры” і наогул “мыадзіннарод”. Расея ваюе з “нацыяналістамі”, “фашыстамі”, “амэрыканскімі стаўленікамі”. Але і гэта яшчэ ня ўсё. З прычыны таго, што вялікая частка расейскіх дэмакратаў таксама працягвае размаўляць і думаць на савецкай мове, то ў іхняй сьвядомасьці Расея і расейцы ня могуць ваяваць з Украінай. Бо расейскі народ – добры, а расейскі народ наогул вычляняць нельга, гэта “нацыяналізм”. Значыць, з “добрай” Украінай ваюе “кліка Пуціна”. А народ – ні пры чым. Ён – “добры”, ён “падмануты”, яго – не кранай. І калі закрануў – то ты “нацыяналіст”, “фашыст”, “прыхільнік Пуціна”. Тобок уключаюцца словы з “дрэннага шэрагу”. Наша самая вялікая праблема з разуменьнем расейскіх тэкстаў – афіцыйных прапагандысцкіх і збольшага апазыцыйных – у тым, што яны напісаны на савецкай мове, а мы размаўляем па-расейску або па-украінску. Кажам тое, што ёсьць, а не так, як прадпісваюць правілы “новамовы”. Зразумела, носьбіты савецкай мовы ёсьць і сярод жыхароў Украіны – але ў агульнай сваёй масе тых, хто размаўляе і думае, яны выглядаюць безнадзейнымі ідыётамі і маргіналамі. Такімі ж ідыётамі і маргіналамі выглядаюць тыя, хто спрабуе ў Расеі – і з расейцамі – размаўляць па-чалавечы, а не па-савецку. Віталь Портнікаў 11/3/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
