Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Маніпуляцыі з помнікам Дзяржынскага ў Маскве Маскоўская пракуратура правярае, ці ў адпаведнасьці з законам дэманстранты скінулі з пьедэсталу помнік Дзяржынскаму ў 1991 годзе. Пракуроры ўзяліся за працу па заяве Саюза Адвакатаў Расеі. Да тых у сваю чаргу зьвярнулася ўвосень летась “ініцыятыўная група грамадзян”. Адвакаты не паведамілі, хто гэта такія, але прынялі ад іх заяву. 22 жніўня 1991 года – пасьля здушэньня так званага путча Янаева – натоўпы маніфэстантаў сабраліся ўвечары на Лубянцы, перад сядзібай тадышняга КГБ (цяпер там размяшчаецца ФСБ). Маскоўскі гарсавет прыняў рашэньне аб дэмантажы манумэнта. У хуткім часе зьявіўся кран, помніку Дзяржынскаму накінулі жалезную пятлю на шыю і сьцягнулі яго з пьедэстала. Але сам помнік ня быў зьнішчаны. Разам зь іншымі савецкімі памятнымі знакамі і помнікамі ён быў перанесены ў маскоўскі парк “Музэён” на бераг ракі-Масквы, непадалёк ад Цэнтральнага Дома Мастакоў. Ён і стаіць цяпер там, правакуючы камуністаў і вэтэранаў КГБ, якія ўвесь час дамагаюцца, каб яго вярнулі на Лубянку. Цяпер таемная “ініцыятыўная група” сьцьвярджае, што паводле даступных дакумантаў сталічных уладаў, помнік фармальна ўсё яшчэ стаіць на Лубянцы. Праз Саюз Адвакатаў яны патрабуюць, каб яго выдалі з “Музэёна”. “Яны гатовыя за ўласны кошт перанесьці яго назад, маюць дастатковую колькасьць транспартных, тэхнічных сродкаў і актывістаў”, заявіў Саюз ў адмысловай заяве. Аднак, непадалёк ад месца, дзе стаяў перад КГБ Жалезны Фэлікс, ужо пастўлены “Салавецкі Камень”, прывезены з Салавецкіх выспаў, дзе знаходзіліся адны з найцяжэшых савецкіх лягяроў. У лютым камуністычная партыя запрапанавала правесьці агульнагарадзкі рэфэрэндум аб вяртаньні Дзяржынскага на былое месца перад сядзібай расейскіх спэцслужбаў. Яны сабралі неабходныя для гэтага 150 тысячаў подпісаў жыхароў Масквы. Але справа затармазілася, бо зьявіўся канкурэнт Жалезнага Фэлікса – кіеўскі князь Уладзімер, пад уладай якога пахрысьцілі Русь (тобок сучасную Украіну), і помнік якому абавязкава хочуць паставіць у Маскве расейскія ўлады. Анджэй Ламаноўскі 3/5/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
