Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Акупанцкамоўны сайт “Белорусский партизан” паўдзельнічаў у справе арыентацыі нашага грамадзтва “на пратэсты”. Выказваліся нікому, у прынцыпе, не вядомыя “экспэрты” – да гэтага наша публіка прызвычаялася і нават ужо не пытаецца, адкуль гэтых “экспэртаў” выкапваюць. Але мы не пра “мнение экспертов”. Мы пра ўступную частку публікацыі пад тытулам “Готовы ли белорусы к осенним протестам?” Цытуем уступ: “Обещание Николая Статкевича вывести в случае фальсификации выборов народ на улицу может разбиться о суровую реальность. Созреют ли протестные настроения белорусов к осени и поможет ли сегодняшний кризис лидерам оппозиции вывести народ? Своим мнением поделились эксперты. О своем желании организовать акции протеста политик заявил во время Белорусского национального конгресса, учредительное собрание которого прошло в минувшие выходные. Впрочем, малочисленность самого мероприятия вызывает некоторые сомнения относительно будущих планов Статкевича, отмечает “Завтра твоей страны”. Крыніца: http://www.belaruspartisan.org/politic/343556/ Цікава, тав. Статкевіча ўжо не прадстаўляюць. Усім, маўляў, вядома, хто ён такі. Як Ленін. Ну, вы хаця б прыдумалі нешта накшталт, “лідэр белапазыцыі” або “герой нацыі”. Неяк абыходзяць гэты момант партызанскія публікатары. І потым, падчас тэарэтычных разважаньняў “экспэртаў” на тэму “пратэстаў” імя з уступнай часткі ні разу не згадваецца (гэта ж трэба ўмець так). “Пратэсты” так і “пратэсты” гэтак, а Статкевіча ўжо няма. Ён прамільгнуў, як 25-ты кадр. Але запомніўся, праўда? Запомніўся “на всякий случай”. Так вось у грамадзкую падсьвядомасьць паступова ўціскваецца імя і вобраз “лідэра пратэстаў”. Калі што, то кожны ўспомніць: ага, чытаў, было. І пабяжыць на “пратэст”. Што ж, хватка прыдумана. Толькі гэтыя штучкі ведае кожны адукаваны чалавек, які хоць раз у жыцьці пацікавіўся прыродай інфармацыйнай палітыкі і сутнасьцю маніпуляцыі сьвядомасьцю. Мы ад тэарэтычнай часткі пераходзім да практычнай. Яна будзе кароткай. Увага, беларусы! Тав. Статкевіча сапраўды ня трэба падрабязна прадстаўляць, ён вядомы. Вядомы перш за ўсё тым, што правальваў і заводзіў у тупік і пад удар усё, што ўзначальваў (пачынаючы ад Беларускага Згуртаваньня Вайскоўцаў). Апошні “подзьвіг” гэтага Папа-Гапона – заклік да дзесяткаў тысячаў людзей 19 сьнежня 2010 г. ісьці на ЦВК (глядзіце відэа). Так пачыналася Крывавая нядзеля… Алесь Хадасевіч 28/5/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
