Bielarus.net › Беларуская Салідарнасьць » Зянон Пазьняк: ГАРТУЕМ СІЛЫ

Зянон Пазьняк: ГАРТУЕМ СІЛЫ

Паважаныя фронтаўцы, паважаныя сябры нашай народнай партыі. Мой зварот да Вас і да ўсіх беларусаў, якія разумеюць, што адбываецца ў дзяржаве.
Выбараў няма. Рэжым стварыў сістэму фальсіфікацыі выбараў для падтрыманьня нязьменнасьці сваёй улады. Дзеля імітацыі выбараў яму патрэбныя выбаршчыкі на выбарчых участках, каб засланіць імі сваё фальшэрства. Таму хадзіць на фальшывыя выбары нельга. Гэта будзе неўсьвядомленая падтрымка фальсіфікацыі. Ад галасоў людзей у гэтай сістэме нічога не залежыць. У рэальнасьці фальсіфікатары нават ня ўлічваюць галасы выбаршчыкаў. Малююць свае вынікі галасаваньня і зацьвярджаюць у адміністрацыі (у начальства).
Ня йдзем на фальшывыя выбары! Байкот ашуканству!
Нехаджэньне на фальшывыя выбары павінна прадугледжваць альтэрнатыўнае гуртаваньне грамадзтва, пашырэньне грамадзянскай супольнасьці на аснове нацыянальных і дэмакратычных каштоўнасьцяў. Гэта стане накапленьнем грамадзкай нацыянальнай сілы, якая ў патрэбны час будзе ўплываць на лёс Беларусі.
Нельга дазволіць правакатарам справакаваць людзей раней часу і падставіць пад разгром, як гэта здарылася ў 2010 годзе.
Цяпер тыя ж самыя правакатары ў асобе адказнага за пабіцьцё беларусаў у 2010 годзе Мікалая Статкевіча, зноў бяссэнсоўна клічуць людзей выйсьці на плошчу 12-га верасьня і зноў бяссэнсоўна падставіцца.
Папярэджваю (хто здольны разумець), не хадзіце за правакатарамі. “Палатка” — гэта не парлямант. Гэта бяспраўны фантом парляманту, прыдуманы дзеля шырмы захопнікамі ўлады. Выбары ў фантом-палатку нічога не вырашаюць, тым больш фальшывыя выбары, на якія людзям няма магчымасьці ўплываць.
Беражэм і гартуем сілы для сур’ёзнай барацьбы, якая наперадзе, і якая прывядзе да перамогі.
Слава Айчыне!
Жыве Беларусь!

9 верасьня 2016 г. Зянон Пазьняк
Старшыня народнай Кансэрватыўна-Хрысьціянскай
Партыі — БНФ і Беларускага Народнага Фронту
“Адраджэньне”

10/9/2016 › Навіны

Навіны ‹
Аналітыка ‹
Актуаліі ‹
Курапаты ‹
Фотаархіў ‹
Беларускія Ведамасьці ‹
Змаганьне за Беларусь ‹
Старонкі гісторыі ‹
Цікавая літаратура ‹

Пошук:

Каляндар:

Ідзі і глядзі:

НАРОДНАЯ ПРАГРАМА «ВОЛЬНАЯ БЕЛАРУСЬ»

С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)»

З. Пазьняк. «Прамаскоўскі рэжым»

Зянон. Паэма «Вялікае Княства»

З. Пазьняк. «Развагі пра беларускія справы»

Курапаты — беларуская сьвятыня

Збор фактаў расейскага тэрору супраць беларусаў

З. Пазьняк. «Беларуска-расейская вайна»

«Новае Стагоддзе» (PDF)

«Гутаркі з Антонам Шукелойцем» (PDF)

Парсіваль

Беларуская Салідарнасьць:

ПЛЯТФОРМА НАРОДНАГА ЯДНАНЬНЯ.

1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага:
— Каго любіш?
— Люблю Беларусь.
— Дык узаемна.

2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня.

3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў.

4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі.

5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі.

6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ.

7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў.

8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце.

Bielarus.net › Навіны // Аналітыка // Курапаты

		Bielarus.net Плятформа «Беларуская Салідарнасць»

Пошук:

Каляндар:

Ідзі і глядзі:

Беларуская Салідарнасьць:

Сябры й партнэры: