Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
“Трэці Майдан будзе не з фанэрнымі шчытамі…” Украінскай уладзе трэба неадкладна праводзіць сістэмныя рэформы, а не даваць народу нагоду для трэцяга Майдана. Пра гэта ў камэнтары выданьню “ГОРДОН” заявіў валанцёр і грамадзкі дзеяч Уладзімер Галаднюк – бацька героя Нябеснай сотні Устыма Галаднюка: Са страхам думаю пра трэці Майдан, бо разумею: гэта дакладна будзе не мірны пратэст. У краіне цяпер маса зброі, на пратэст выйдуць ужо не юнакі з фанэрнымі шчытамі, як гэта было ў 2013-2014 гадах. Калі народ паўстане, гэта можа абярнуцца жудасным кравапраліцьцем. Таму ўладзе трэба радыкальна нешта мяняць. Мяняць, а не запалохваць грамадзтва. Працаваць, а не даваць людзям нагоду для паўстаньня. Вельмі спадзяюся, што трэцяга Майдана ня будзе. Я падрабязна не сачыў, што было ў цэнтры Кіева ў дзень гадавіны Эўрамайдана. Але тыдзень таму я бачыў нібыта акцыі пратэсту пад Нацбанкам. Сам бачыў гэтую ганебную зьяву, калі сабралася шматтысячная армія бамжоў, якім плацілі па 150 грыўнаў. Яны сабраліся калёнай на вуліцы Інстытуцкай, на месцы расстрэла Нябеснай сотні. Гэта было настолькі брудна, брутальна і зьняважліва. Даруйце, але гэта быў не пратэст, а быдла і бамжаціна, брудная і мацюклівая. Калі б арганізатары падобных “пратэстаў” не праплочаных цітушак наймалі, а аддавалі б грошы на фронт, у нашых жаўнераў зьявіліся б цеплавізары, цёплая вопратка, экіпіроўка. Нашыя б байцы адчулі клопат. Замест гэтага палітыкі наладжваюць праплочаныя акцыі, каб выбіць сабе палітычныя дывідэнды. Сорам! Выйсце адно: шукаць аднадумцаў, злучацца ў грамадзянскія арганізацыі і кантраляваць уладу, жорстка трымаць яе ў руках, асьвятляць у СМІ ўвесь нэгатыў нашых чыноўнікаў і тым самым ачышчаць усё кіраўніцтва дзяржавы. 19-гадовы герой Нябеснай сотні Устым Галаднюк загінуў 20 лютага 2014 года на вуліцы Інстытуцкай падчас масавага расстрэлу актывістаў Майдана. Пераклад з расейскай. 3/12/2016 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
