Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Было ў Маскве, але ўсё знаёмае Гэта было 3 студзеня. У інфармацыйнай прасторы пайшло распаўсюджвалі наступнае: Очередная «прогулка оппозиции» собрала около 5 тысяч человек Люди стоят на манежке и не хотят уходить. Приходите и вы, приносите пледы и кофе — сообщают пользователи соцсетей. Крыніца: http://www.zvistka.net/2017/01/03/ Прыкладзены фотаздымкі. За паліцэйскім “штакетнікам” стаіць натоўп. Стаіць эфэктна, бо на фоне Крамля. “Карцінка супэр”. І ёсьць у ёй нешта шчымліва знаёмае нам. І ў лёзунгу таксама. І “людей море!” (5 тысяч, гэта ў горадзе з 12-мільённым насельніцтвам). Ніхто “палітычна гуляюшчіх” не разганяе, не арыштоўвае, яны дзяцей прывялі. Ну, проста царства крамлёўскай дэмакратыі. Не пакідае ўражаньне-успамін, што зараз перад імі выйдзе нейкі маскоўскі Мілінкевіч, гутапэрчыва заўсьміхаецца і гукне: “Усе за мной! Кветкі ўскладаць!” Або маскоўскі Статкевіч зь якім-небудзь “рэвалюцыйным паэтам”. Гэтыя кулакамі памахаюць і паабяцаюць скінуць Пуціна. Блізкія стылістычныя рысы не падманваюць – стваральнік спэцэфэктаў той самы. Дакладней гэта група спэцоў, якая працуе і на Маскву, і на Менск, і на іншыя накірункі з Лубянскай плошчы. Надзьмуваньне штучнай пустышкі Навальнага сталася ўжо банальнай апэрацыяй, якая не зьбірае надта шмат людзей, як і надзьмуваньне ў Менску адпаведнікаў Навальнага. І даўно пара б зьмяніць абрыдлыя фігуры на арэне, але стылісты марудзяць, імкнучыся давесьці апазыц-справу да поўнага абсурда, каб у людзей канчаткова склалася ўражаньне – дзе дэкларуецца “змаганьне з рэжымам”, там фальш і абсурд. “Здушэньне волі да супраціву…” Сяргей Камароўскі 17/1/2017 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
