Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
“Белрэдакцыя” Радыё Свабода дэманструе зайздросную ўпартасьць, вось бы скіраваць яе ў рэчышча выкананьня статутных і маральных установак дэмакратычнага СМІ: на сваечасовае і адэкватнае інфармаваньне беларусаў, на якасную аналітыку, на падтрымку нацыянальна-культурнага беларускага адраджэньня. Замест гэтага на працягу гадоў (асабліва апошніх) “рэдакцыя” займаецца татальным піярам псэўдаапазыцыйных структур і асобаў, журналісцкімі падлогамі (інфармаваньнем пра неіснуючыя падзеі), стварэньнем штучных сацыяльна-палітычных стэрэатыпаў. Бачна (паводле сінхроннасьці дзеяньняў “рэдакцыі” разам зь іншымі фальшывымі “дэмСМІ”), што “белрэдакцыя” кіруецца ўказаньнямі (інструкцыямі, загадамі, адмашкамі) структур, непрыхільных Беларусі, справе дэмакратыі і нацыянальнага адраджэньня. Адно добра, што ўсё гэта робіцца на нізкім прафэсійным узроўні і такімі “спэцамі”, што даверу ў людзей, здольных на думаньне, такая “аналітыка” не выклікае. Патрыёты-фронтаўцы паведамлялі грамадзтву ад самага пачатку дзеяньня фэйка “Гавары праўду” (канец 2010 г.), што гэта фэйк, агентурная пустышка, якая фінансуецца рэжымам для палітычнай дэзарыентацыі насельніцтва. Калі на палітычнай арэне зьявілася Т. Караткевіч, патрыёты-фронтаўцы таксама папярэдзілі, што гэта такая ж, толькі пэрсанальная выдумка рэжыма. Памятаем, што “белрэдакцыя” РС ні разу не паведаміла праўды пра “Говправду”, нягледзячы на безьліч доказаў антыбеларускай, псэўдаапазыцыйнай дзейнасьці яе “кіраўніцтва і актывістаў”. Апошнім часам хто ўжо толькі не выказваўся аб тым, што да іх урэшце дайшло: сулідэр “Говправды” Дзімітрыеў зьяўляецца прафэсійным, засланым агентам. А РС хоць бы што, нават не пачухалася разабрацца з гэтым аспэктам. Т. Караткевіч кажа журналісту РС: «На сёньня ў нас ёсьць два лідэры ў арганізацыі — я і Андрэй Дзьмітрыеў». Крыніца: http://www.svaboda.org/a/28205368.html А журналіст прымае гэтае прызнаньне і вядзе нявымушаную размову далей. Размова пра што заўгодна, абы стварыць вобраз нармальнай, сярэднестатыстычнай апазыцыйнай арганізацыі. Каго яны хочуць ашукаць. Прапануем пазнаёміцца з “свабодаўскім” тэкстам і пераканацца самым у тым, што ўсё гэта так. Сяргей Камароўскі 17/1/2017 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
