Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
ДЗЕНЬ НЕЗАЛЕЖНАСЬЦІ РЭСПУБЛІКІ БЕЛАРУСЬ. (ПАВЕДАМЛЕНЬНЕ) 25-га Жніўня сьвяткуем Дзень Незалежнасьці Рэспублікі Беларусь. 26 гадоў таму Вярхоўны Савет Беларусі пасьля доўгага і цяжкага змаганьня, пад ціскам дэпутацкай Апазыцыі БНФ і народа на плошчы надаў Дэклярацыі аб дзяржаўным суверэнітэце БССР статус канстытуцыйнага закона, прыняў шэраг іншых дакумантаў аб Незалежнасьці Беларусі. Гэтак жа, як і Дзень Волі (25-га Сакавіка, абвяшчэньне Незалежнасьці БНР) 25 Жнівень ёсьць найвялікшай датай нашай найноўшай гісторыі. З нагоды 26-й гадавіны Незалежнасьці Рэспублікі Беларусь 26-га жніўня (у суботу) адбудзецца канфэрэнцыя ў фармаце асамблеі патрыятычных сілаў краіны. Арганізатарам канфэрэнцыі выступае Кансэрватыўна-Хрысьціянская Партыя — БНФ. Тэрміновая ініцыятыва выклікана пагрозай Незалежнасьці Беларусі ў сувязі з расейскімі вайсковымі вучэньнямі “Захад-2017″ на тэрыторыі нашай краіны і неабходнасьцю абмеркаваць лёс і будучыню Радзімы. Запрашаем прыняць удзел прадстаўнікоў усіх беларускіх патрыятычных грамадзкіх, палітычных, культурных арганізацыяў і ўсіх грамадзян, якім шчыміць сэрца за Бацькаўшчыну-Беларусь. Канфэрэнцыя (асамблея) адбудзецца ў залі Міжнароднага Адукацыйнага Цэнтра імя Іяганэса Раў па адрасе: Менск, вуліца газэты “Правда”, 11. Пачатак у 16.00 Арганізацыйны Камітэт. 23/8/2017 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
