Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
АБ АБАРОНЕ НЕЗАЛЕЖНАСЬЦІ БЕЛАРУСІ (Заява-зварот Канфэрэнцыі (Асамблеі) патрыятычных У 26-ю гадавіну Незалежнасьці Рэспублікі Беларусь мы сьведчым, што дзяржаўная Незалежнасьць Беларусі і Беларуская мова ёсьць найвялікшымі каштоўнасьцямі Беларускай нацыі. Шанаваньне і абарона гэтых каштоўнасьцяў ёсьць гонарам і абавязкам беларускіх патрыётаў і ўсіх грамадзянаў Беларусі. Мы выказваем трывожную занепакоенасьць у сувязі з плянаваньнем незаконных, неканстытуцыйных ваенных вучэньняў расейскага войска (”Захад-2017″) на тэрыторыі Беларусі. Уваходжаньне расейскага войска і бронетэхнікі ў Беларусь, якое ўжо пачалося, мы ацэньваем як пачатак гібрыднай акупацыі нашай краіны і грубае парушэньне дзяржаўнага суверэнітэту Беларусі. Такія дзеяньні расейскай ваеншчыны зьяўляюцца пагрозай усім нашым суседзям: Украіне, Польшчы, Летуве, Латвіі і Эстоніі, пра што ўжо неаднаразова ў сваіх выказваньнях сьведчылі прадстаўнікі рэжыму Пуціна ў Маскве. Мы зьвяртаемся да краін-гарантаў Будапэшцкага Мэмарандума 1994 года Злучаных Штатаў Амэрыкі і Вялікабрытаніі, у якім гарантавалася дзяржаўная незалежнасьць Рэспублікі Беларусь, аказаць ціск на Расею з мэтай выкананьня абавязацельстваў, адлюстраваных у Мэмарандуме. Мы патрабуем ад кіраўніцтва Расеі і ад фактычнага кіраўніцтва Беларусі адмяніць ваенныя вучэньні “Захад-2017″, вывесьці расейскія войскі і бронетэхніку з тэрыторыі Беларусі. Зьвяртаемся да Беларускай Арміі, якая прысягнула на вернасьць Беларусі. Абараняйце Радзіму ад расейскай інвазіі! Зьвяртаемся да грамадзянаў-патрыётаў Беларусі з заклікам распачаць грамадзянскае супраціўленьне інвазіі расейскага войска ўсімі мэтадамі барацьбы і сродкамі супраціву. Узброены расейскі жаўнер не павінен быць на беларускай тэрыторыі. Беларуская чыгунка не павінна перавозіць бронетэхніку і ўзброеных жаўнераў чужой дзяржавы. Зьвяртаемся да беларусаў ва ўсім сьвеце і да міжнароднай супольнасьці аб падтрымцы беларускай Незалежнасьці, свабоды, дэмакратыі і барацьбы. 26 жнівень 2017 г. г. Менск 28/8/2017 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
