Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Мітынг супраць расейскай акупацыі ў Менску
Быў заслуханы зварот сп. Зянона Пазьняка, Старшыні КХП-БНФ і Беларускага Народнага Фронту “Адраджэньне” – “Беларусь пераможа. Пляны Пуціна праваляцца”. Таксама выступілі сп. Сяргей Папкоў, намесьнік старшыні Партыі і Фронту, і сакратары Управы Партыі і Фронту сп. Алесь Чахольскі і сп. Валеры Буйвал. Яны казалі пра трывожнае становішча, якое паўстала ў Беларусі і вакол нашай краіны ў сувязі з маштабнымі манэўрамі і перадыслакацыяй вялікіх масаў расейскай арміі і ваеннай тэхнікі на тэрыторыі Беларусі і каля яе межаў. Ніхто пакуль ня можа сказаць дакладна, колькі расейскіх войскаў засталося на нашай тэрыторыі пасьля афіцыйнага завяршэньня вучэньняў “Захад-2017”. Афіцыйным заявам даверу няма, прамаскоўскі рэжым і Масква ня маюць даверу народаў. Ваенная дактрына Масквы не зьмянілася: гэта захоп і падпарадкаваньне тэрыторый, якія раней належалі імпэрыі, ліквідацыя незалежных краін і ўстанаўленьне “Русского міра” на землях народаў. Таму вельмі важна, каб людзі і народы ў краінах нашага рэгіёну салідарызіраваліся і выступілі разам супраць маскоўскай агрэсіі. Але першасным і найважнейшым ёсьць менавіта беларуская салідарнасьць нашых людзей у абароне Бацькаўшчыны. Калі нават 1% насельніцтва актыўна выступіць супраць расейскай арды, то гэта будзе 100-тысячная дабраахвотная армія. Але беларусы павінны таксама спадзявацца на нашы Узброеныя Сілы, на беларускіх афіцэраў і жаўнераў. Нягледзячы на татальную русіфікацыю і падпарадкаваньне нашай арміі навязаным нам расейскім генэралам і Маскве, у Беларускай арміі ёсьць многія тысячы патрыётаў, якія, калі спатрэбіцца, будуць ваяваць не за інтарэсы маскоўскага агрэсара, а за Беларусь. Усе разам – увесь народ, беларусы і беларускі, цывільнае насельніцтва і патрыёты ва Узброеных Сілах – мы павінны выратаваць сваю будучыню, сваю краіну ад паняволеньня паганай Масквой, ад разбурэньня і зьнішчэньня. Мы будзем бараніць Радзіму ад маскоўскіх захопнікаў. Грамада вітала выступы гуканьнем “Слава Айчыне! Жыве Беларусь!” Мітынг аднагалосна прыняў рэзалюцыю “Гуртуем патрыятычныя сілы. Рыхтуемся абараняць Беларусь”. Мерапрыемства завяршылася сьпяваньнем нашага нацыянальнага духоўнага гімну “Магутны Божa”
Інфармацыйная камісія Кансэрватыўна-Хрысьціянскай Партыі – БНФ 7/10/2017 › Навіны |
Навіны ‹ Пошук:Каляндар:
Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
||||||||||||||||||||||||||||||||||||||||||||||||||||||||||
Беларуская Салідарнасьць // 2000—2024 |
