Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
3 лістапада ў Менску член Управы Кансэрватыўна-Хрысьціянскай Партыі – БНФ сп-ня Ала Гуцава распаўсюджвала запрашэньні на шэсьце і мітынг, якія адбудуцца 5 лістапада і будуць прысьвечаны Дню Памяці Дзяды. Арганізатары мерапрыемства атрымалі дазвол ад Менскага гарвыканкама і Менскага аблвыканкама. Міліцэйскі патруль (міліцыянты Кірыенка і Данілюк) затрымалі сп-ню Гуцаву. Яна паказала ім копію афіцыйнага дазволу і спасылалася на Закон аб масавых мерапрыемствах. Але міліцыянты склалі на яе пратакол, канфіскавалі запрашэньні і забаранілі распаўсюджваць інфармацыю пра мерапрыемства. Цяпер трэба чакаць акупацыйнага суду і прыклейваньня якога-небудзь адміністрацыйнага пакараньня сябру нашай Партыі. Такім чынам, прадстаўнікі антыбеларускай улады ў парушэньне іхняга ж заканадаўства зьдзяйсьняюць рэпрэсіі супраць грамадзян, зрываюць афіцыйна дазволенае мерапрыемства і перашкаджаюць вольнаму распаўсюду інфармацыі. Апошнім часам у Беларусі і па-за яе межамі гучыць шмат галасоў агентуры пра “”лукашэнкаўскую адлігу”, “лібэралізацыю” і “паварот рэжыма на Захад, да дэмакратычных каштоўнасьцяў”. Шмат рэжымнай рыторыкі гучыць таксама на мерапрыемствах, зьвязаных з праграмай “Усходняга партнёрства”, Euronest’a і г.д. Практыка ўвесь час паказвае, што прырода антыбеларускага, аўтарытарнага, антыдэмакратычнага рэжыму ніякім чынам не зьмянілася, рыторыка на тэму “адлігі” і “лібэралізацыі” зьяўляецца нічым не абгрунтаванай выдумкай прапагандыстаў. Беларусы чакаюць ад дэмакратычнага сьвету адэкватных ацэнак становішча ў нашай краіне і сапраўднай дапамогі грамадзянскай супольнасьці ў яе змаганьні за дэмакратыю, нацыянальную культуру, мову і дастойнае чалавечае існаваньне. Але палітыка лібэралаў Захаду нам добра зразумелая. Інфармацыйная камісія Кансэрватыўна-Хрысьціянскай Партыі – БНФ 3 лістапада 2017 г. 5/11/2017 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
