Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
“Cуд” “ня ўбачыў” парушэньня закону 5 красавіка завяршыўся суд у справе антызаконных дзеяньняў міліцыі паводле іску сп-ні Алы Гуцавай, сябра Управы Кансэрватыўна-Хрысьціянскай Партыі – БНФ. 3 лістапада 2017 г. яна раздавала запрашэньні на ўдзел у мерапрыемствах на Дзяды, стоячы непадалёк ад станцыі метро “Магілеўская” ў Менску. Са станцыі мэтро да яе выйшаў старшыня міліцыі Кірыенка і запатрабаваў тлумачэньняў (хаця раздача запрашэньняў на гэтым месцы ня мела дачыненьня да паўнамоцтваў аховы мэтрапалітэна). А. Гуцава паказала яму пашпарт і копію дазволу Менгарвыканкаму на правядзеньне КХП-БНФ мемарыяльных мерапрыемстваў. Пасьля тэлефоннай размовы з начальствам міліцыянт затрымаў жанчыну і завёў яе ў пакой міліцыі на станцыі мэтро. Там ён і ст. лейтэнант міліцыі Данільчык склалі на А. Гуцаву пратакол аб затрыманьні і канфіскавалі 1000 запрашэньняў. Больш за дзьве гадзіны яе пратрымалі ў пакоі міліцыі. Увесь час яны перамаўляліся ў справе “правапарушэньня” з начальствам, папярэджвалі яе аб адказнасьці “за неправамерныя дзеяньні” і ўзбуджэньні адміністрацыйнай справы. Аднак, 9 лістапада А. Гуцавай патэлефанавалі і паведамілі, што “справа спынена з прычыны адсутнасьці складу злачынства”. Незаконныя дзеяньні работнікаў МУС адмоўна адбіліся на стане здароўя жанчыны і не дазволілі ёй выканаць даручэньне Партыі. А. Гуцава падала заяву ў суд з патрабаваньнем да МУС і Міністэрства фінансаў кампэнсаваць ёй маральную і матэр’яльную шкоду. На паседжаньнях Суда Партызанскага раёна г. Менску ў якасьці сьведкаў выступалі работнікі міліцыі (якія, як заўсёды хлусілі і блыталіся ў сваіх паказаньнях) і прадстаўнікі МУС і Мінфінансаў. Яны спрабавалі даказаць, што неправамерныя дзеяньні міліцыі былі правамернымі. Пацярпелая, адвакат і сьведка ад Партыі сп. С. Папкоў прадставілі доказы таго, што міліцыя груба парушыла Закон, перасьледуючы грамадзянку за распаўсюд інфармацыі пра санкцыянаванае мерапрыемства. Тым ня менш суд не задаволіў іск А. Гуцавай і “ня ўбачыў парушэньня закону” у незаконных дзеяньнях міліцыі. Што такое лукашысцкі суд і іхныя «законы» – усім вядома. Няхай паказваецца нечысьць. Будучыня наперадзе. Інфармацыйная камісія Кансэрватыўна-Хрысьціянскай Партыі – БНФ 5 красавіка 2018 г. 13/4/2018 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
