У РФ працягвае расьці колькасьць жабракоў

Згодна сьвежых дадзеных цалкам лаяльнага да дзейснай улады Росстата: доля беднага насельніцтва ў РФ у параўнаньні з 2018 годам павялічылася і ў адносных, і ў абсалютных велічынях.
Год таму беднымі лічыліся 20,4 млн чалавек (13,9%), праз год – 20,9 млн чалавек або 14,3%. 500 тысяч чалавек – гэта, дарэчы, цалкам добры горад.

Кажучы шчыра, пачнем з таго, што гэта ня “бедныя” людзі, а “жабракі”. Называючы іх “беднымі”, дзяржава хлусіць дакладна так жа, калі называе выбух “хлапком”, пажар – “узгараньнем”, татальны правал кіраваньня, за якім настаюць прыродныя катастрофы – “анамальнымі стыхійнымі бедствамі”. Хлусьня абсалютна бяскрыўдная, бо крытэрый беднасьці – немагчымасьць адкладаць накапленьні, а галеча – немагчымасьць забясьпечыць узроўнем прыбытку мінімальныя патрэбы. Узровень ніжэй за пражытковы мінімум і азначае немагчымасьць паўнавартаснага жыцьця, няхай нават на самым нізкім з магчымых узроўняў. Акрамя таго, галеча характарызуецца тым, што трапляньне ў яе практычна назаўжды пазбаўляе пэрспэктыў самастойна выкараскацца з гэтага становішча, бо чалавек-жабрак вымушаны жыць у пазыку – альбо ня плоцячы камуналку, альбо эканомячы на здароўі (фактычна асуджваючы сябе на сьмерць у выпадку сур’ёзнага захворваньня, якое пры дадзеных спусташаючых фактарах не прымусіць сабе доўга чакаць). А пазыка ў становішчы жабрака можа толькі прырастаць, але не памяншацца, чым і абумоўлена немагчымасьць выйсьці з гэтага становішча.

Як бачым, ніякага зьніжэньня ўзроўню беднасьці (дакладней, галечы) ў краіне не адбываецца. Наадварот – ідзе рост, што, зразумела, ня дзіва. “Няўрымсьлівы рост эканомікі”, пра які любіць распавядаць расейская ўлада, ёсьць і мае месца быць, то выключна ў кашалях прадстаўнікоў валадарачай эліты. Расейскія мільярдэры павялічваюць уласныя прыбыткі штоквартальна і штомесячна. Сябры “Казачнага” Пуціна будуюць дамы, жыльлёвая плошча якіх вымяраецца ўжо не квадратнымі мэтрамі, а гэктарамі. У іх, па ўсёй бачнасьці, і ёсьць той самы рост, пра які яны з аптымізмам рапартуюць. Таму ўсё слушна – калі ў патанаючай эканоміцы нехта грабе рыдлёўкай, то ягоны дабрабыт непазьбежна прырастае за кошт павелічэньня долі бедных і жабракоў.

Расейская эканоміка ўжо даўно знаходзіцца на такім дне, што яго не намацаць нават з дапамогай батыскафа і наладзіць дадзенае становішча рэчаў пры адпаведным рэжыме фізычна немагчыма, бо бяда ня ў тым, што людзі-жабракі надта шмат хочуць – бяда ў тым, што валадарачая чэкісцка-алігархічная элітка ніяк ня можа спыніць рост уласнага апэтыту, які з кожнай новай замежнай вілай толькі павялічваецца і павялічваецца.

t.me

Крыніца: http://www.kasparov.ru/material.php?id=5D429C69BF1DB

19/10/2019 › Навіны