Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
У Варшаве 21 сьнежня прайшла чарговая акцыя пад калёнай Жыгімонта на Замкавай плошчы супраць інтэграцыі з Расеяй. Удзельнікі акцыі – патрыёты заклікалі змагацца за незалежнасьць Беларусі. Так, мы, казанскія татары, падтрымліваем сыноў і дачок беларускага народа. Мы памятаем дату 15 кастрычніка – Дзень Памяці ня толькі татарскага народа, а і ўсіх народаў Паволжа і Урала: башкіраў, удмуртаў, марыйцаў, чувашоў, эрзянцаў і макшанаў, якія разам з татарамі здолелі захавацца як народы за 467 гадоў пад бязьлітаснай расейскай уладай. Мы таксама памятаем, як у 1992 годзе расейскія вайскоўцы рыхтаваліся штурмаваць танкамі Рэспубліку Татарстан. Цяпер з-за расейскай агрэсіі Рэспубліка Беларусь таксама апынулася ў крайне цяжкім становішчы. На гэтым фоне Пуцін апраўдаў уварваньне савецкіх войскаў у Польшчу ў 1939 годзе. Пра гэта ён заявіў 19 сьнежня на прэс-канфэрэнцыі. Па словах Пуціна, войскі СССР увайшлі на тэрыторыю Польшчы, калі польскі ўрад нібыта страціў кантроль над узброенымі сіламі і над тым, што адбывалася на тэрыторыі краіны. Такім чынам ён публічна апраўдаў генацыд палякаў расейскімі камуністамі. Сітуацыя складваецца такім чынам, што Рэспубліка Беларусь пакуль што атрымлівае пэўную адтэрміноўку ад ваеннага ўварваньня з боку Пуціна. Агрэсар чакае сваёй гадзіны і зачэпкі – гісторыя ведае прыклады расейскай акупацыі суседзяў з мінулага: татарскі, малдаўскі, чачэнскі, грузінскі украінскі і сірыйскі… Таму мы, татары, заклікаем усіх неабыякавых грамадзян Беларусі падымацца супраць агрэсара, гуртавацца і бараніць нацыянальныя інтарэсы вашай дзяржавы! Мы будзем змагацца за свабоду Беларусі і Ідэль-Урала, Каўказа і Сібіры у любой сітуацыі! За вашу і нашу свабоду! Віл Мірзаянаў – прэм’ер-міністр ураду незалежнага Татарстана на выгнаньні, ЗША, Нью Джэрзі, Прынстан Рафіс Кашапаў – нам. прэм’ер-міністра ураду незалежнага Татарстана на выгнаньні, член Прэзыдыюма ВТОЦ, сузаснавальнік руху “Вольны Ідэль-Урал”, Лёндан Роза Курбан – навуковец, літаратар, Турцыя, Анкара Ірэк Гарыф – кіраўнік супольнасьці татараў Аўстраліі “Туран”, Адэлаіда, Аўстралія Каміль Сукаеў – прадстаўнік руху “Ідэль-Урал”, ЗША, Нью Ёрк. 21 сьнежня 2019 г. https://tatar-toz.blogspot.com/2019/12/blog-post_21.html 23/12/2019 › Навіны |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
