Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
ЗЯНОН ПАЗЬНЯК: РУСКАЯ ТЭХНАЛЁГІЯ Руская агентура прафэсійна працуе на эмацыйны раскол беларускага грамадзтва, ужываючы ўсюды аднолькавыя прыёмы. Расколу беларускага грамадзтва на аснове нянавісьці Лукашэнка прысьвяціў 26 гадоў сваёй улады. Ягоны лексічны запас ненавісных і зьневажальных слоў дзеля ацэнак розных груп і праслоек беларускага грамадзтва сягае на больш за сотню тэрмінаў (гэта ўжо сабрана). Тым часам людзям, якія цікавяцца тэхналёгіямі масавага ўзьдзеяньня, раіў бы паглядзець запіс відэа жаночага форуму і канцэрту ў падтрымку Лукашэнкі, які адбыўся 17 верасьня ў горадзе Менску. На выбарчых мітынгах у ліпені-жніўні гэтага года з удзелам С. Ціханоўскай, і штабістак групы Газпрама-ФСБ і на жаночым форуме 17-га верасьня выкарыстаны аднолькавыя тэхналёгіі, над якімі працавалі адны і тыя ж расейскія тэхнолагі. Гэта відавочна. Толькі на форуме ўсё выкананьне было бяздарным, пошлым і фальшывым. Відаць былі тыя ж самыя штучныя ўстаноўкі на запал эмоцыяў, на пытаньні са сцэны і адказы хорам, на экзальтацыю і сантыменты, на камплімэнты і ўхваленьне публікі. Тут ужывалася ўся лексіка штабістак: “вы — невероятные”, “я вас люблю”, “я вас всех очень люблю”, “мы вас очень любим”, “вы — самые лучшие”, “мы с вами”, “спасибо всем вам”, “вы добрые, отзывчивые, трудолюбивые”, “вы сегодня хозяйки этой страны”, “такой канцентрацыи красоты, как здесь, нет ни в одном уголке земного шара” (да спадарынь з начосамі і высокім бюстам) і г. д. Пры гэтым адна дама з рэзкім закусам закрычала, што “муж офицер костьми ляжет, но над нашей любимой страной не будет бчб флаг!” “За Беларусь”! — скамандавалі падцягнутыя вядучыя. “За Беларусь”! — падхапілі жанчыны. Рэдкаснае відовішча, сага пра словы любові на чужой мове, сказаныя зь нянавісьцю. 18 верасень 2020 г. Зянон ПАЗЬНЯК 19/9/2020 › Навіны, Зянон Пазьняк |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
