Bielarus.net
Плятформа «Беларуская Салідарнасць»
Плятформа «Беларуская Салідарнасць»
|
|
||
|
|||
|
Bielarus.net Плятформа «Беларуская Салідарнасць» |
||
|
Зянон ПАЗЬНЯК: БЕЛАРУСКАЯ ДАЎНЯЯ МУЗЫКА Ў ВАРШАВЕ У эміграцыі найцяжэй творчым людзям. Нацыянальны тэатр увогуле ня можа існаваць на чужыне (бяз гледача тэатр не жыве). Цяжка мастаку, пісьменьніку і паэту, бо пісаць трэба дзеля народа, а ты не ў сваіх. Супраціўляюцца пустаце музыканты. Але й тут, каб разьвівацца і творча ацалець патрэбны свай слухач і свой глядач. 24-га чэрвеня ў Беларускім моладзевым зборы ў Варшаве (плошча Канстытуцыі, 6) сабраліся музыканты аматары сярэднявечнвй беларускай музыкі гурта “ЯВАРЫНА”. Зьехаліся ў Варшаву з розных канцоў Эўропы, каб паіграць сярод сваіх. Каб зрэдку сабрацца і займацца творчасьцю, музыканты-беларусы працуюць на розных працах у розных краінах. Сваіх, праўда, з усёй Варшавы сабралася ня шмат (пэўня каля 30 асобаў), але было добра. Зрэшты, каб мець уяўленьне, зьмяшчаю тут ніжэй некалькі відэа-запісаў і фота “Каларыт”. Можна паглядзець. Я толькі з свайго боку хачу падзякваць палякам і ўладам Варшавы за добрыя людзкія і разумныя адносігы да беларускіх ўцекачоў з-пад акупацыі і з-пад фашыстоўскага бандытызму Лукашэнкі. Тое, што беларускай моладзі на выгнаньні выдзелілі для дзейнасьці прасторнае памяшканьне ў цэнтры Варшавы, сьведчыць аб вялікадушнасьці нашых польскіх суседзяў, ўзмацняе прыхільнасьць і давер паміж народамі, які застанецца надоўга і асабліва пасьля перамогі над расейскім фашызмам. 25 чэрвень 2022 г. 26/6/2022 › Навіны, Зянон Пазьняк |
Навіны ‹ Пошук:Каляндар:Ідзі і глядзі:НАРОДНАЯ ПРАГРАМА «ВОЛЬНАЯ БЕЛАРУСЬ» С. Навумчык. «Сем гадоў Адраджэньня, альбо фрагмэнты найноўшай беларускай гісторыі (1988-1995)» З. Пазьняк. «Прамаскоўскі рэжым» Зянон. Паэма «Вялікае Княства» З. Пазьняк. «Развагі пра беларускія справы» Курапаты — беларуская сьвятыня Збор фактаў расейскага тэрору супраць беларусаў З. Пазьняк. «Беларуска-расейская вайна» «Гутаркі з Антонам Шукелойцем» (PDF)
Беларуская Салідарнасьць:ПЛЯТФОРМА НАРОДНАГА ЯДНАНЬНЯ. 1. Беларуская Салідарнасьць гэта ёсьць плятформа Беларускага Адраджэньня, форма ідэйнай лучнасьці паміж беларусамі і пазыцыя змаганьня з акупацыйным антыбеларускім рэжымам. Яе дэклярацыя салідарнасьці простая і надзейная, па прынцыпу Каліноўскага: 2. Зьместам беларускага яднаньня ёсьць Беларуская нацыянальная дзяржава. Сымвалам Беларускай дзяржавы ёсьць нацыянальны Бел-Чырвона-Белы Сьцяг і гэрб Пагоня. 3. Беларуская Салідарнасьць стаіць за праўду Беларускага Адраджэньня, якое кажа: «Не правы чалавека — галоўнае для беларусаў, а незалежнасьць і свабода, бо не бывае „правоў чалавека“ пад акупацыяй». Трэба змагацца за свабоду і вызваленьне Беларусі, а не прасіць «правоў» у рэжыма і акупантаў. Акупанты правоў не даюць. Яны пакідаюць нам «права» быць рабочым матэрыялам дзеля іхных імпэрскіх інтарэсаў. 4. Беларуская Салідарнасьць сцьвярджае і абараняе дэмакратычныя каштоўнасьці народнага агульнанацыянальнага кшталту, якія мусяць шанаваць і бараніць усе беларусы перад небясьпекай агрэсіўнай пагрозы з Расеі і перад палітыкай антынацыянальнага рэжыму Лукашэнкі на Беларусі. 5. Беларуская Салідарнасьць мацуе грунт, кірунак дзеяньняў і ідэі беларускага змаганьня ў абарону беларускай незалежнасьці, мовы, культуры, беларускай нацыянальнай уласнасьці, маёмасьці і беларускай дзяржаўнай сістэмы дэмакратычнага існаваньня нацыі. 6. Усіх беларусаў як нацыю злучае і яднае беларуская мова, беларуская гісторыя, беларуская зямля, беларуская культура, беларуская дзяржава і ўся беларуская супольнасьць людзей — Беларускі Народ. 7. Усе беларусы, незалежна ад сьветапогляду і палітычных кірункаў, яднаюцца дзеля абароны беларускіх каштоўнасьцяў, беларускіх сымвалаў і беларускіх нацыянальных інтарэсаў. 8. Формы дзейнасьці Беларускай Салідарнасьці могуць быць рознымі, але заўсёды павінна ўлічвацца антыбеларуская палітыка прамаскоўскага рэжыму на Беларусі і пагроза нашаму нацыянальнаму, культурнаму і дзяржаўнаму існаваньню. Таму ва ўсіх справах — Беларусь перад усім. Трэба шанаваць усё беларускае. Шанаваць беларускую дзяржаўнасьць. Шанаваць беларускую мову і беларускі народ. Шанаваць беларускую зямлю і беларускую культуру. Шанаваць здабытак народнай працы. Беларус беларуса мусіць бараніць перад небясьпекай. Беларус беларусу мусіць дапамагаць. Беларус беларуса павінен падтрымліваць паўсюдна на Беларусі і ва ўсім сьвеце. Сябры й партнэры:
|
Беларуская Салідарнасьць // 2000—2024 |
