Зянон ПАЗЬНЯК: НЕВЕРАГОДНАЯ КАМЭДЫЯ

Характэрная зьява саўковай псіхалогіі — калі нейкае палажэньне рэчаіснасьці выносіцца як пазыцыя палітыкі і прапускаецца праз прапаганду ды тэлевізар, і калі тое успрыме савок, тады яму хоць кол на галаве чашы, будзе тупа стаяць насьмерць і паўтараць тое, як папугай, нягледзячы ні на што.
Усе гэтыя ганебныя гады пад лукашысцкім рэжымам мы бачылі такія паводзіны адносна Лукашэнкі. “Сукін сын” (як афіцыйна называюць яго расейцы) прывёў да акупацыі краіны расейскім войскам, хоча ўцягнуць беларусаў у вайну супраць Украіны. І ўсяроўна для добрай чвэрці насельніцтва, нават у гэтых умовах, ён “прэзідзент харошы”. Вось што робіць з інтэлектам чужая прапаганда і русіфікацыя.

28/7/2022 › Навіны, Зянон Пазьняк

Зянон Пазьняк: Масква баіцца, што ў Беларусі з’явіцца сур’ёзны нацыянальна-вызвольны рух

Госць Радыё Рацыя палітык, лідар Кансерватыўна-Хрысціянскай Партыі БНФ Зянон Пазьняк, распавёў у эфіры, чаму ён не паедзе на канферэнцыю „Новай Беларусі” і чаму нацыянальна-вызвольны рух не могуць стварыць Святлана Ціханоўская ці Павел Латушка.

– Спадар Зянон, ці знаёмыя вы твар у твар са Святланай Ціханоўскай?

– Не.

– Вось была б нагода пазнаёміцца, бо Офіс Ціханоўскай 8 і 9 жніўня ладзіць у Вільні канферэнцыю новай Беларусі і запрашае ўсіх ахвотных.

– Няма ніякай патрэбы з ёй знаёміцца. Магчыма пасля следства ў вольнай Беларусі, калі паўстане пытанне аб яе арышце, тады пазнаёмлюся.

24/7/2022 › Навіны, Зянон Пазьняк

Юры Беленькі: Якую інфармацыю спажывае ўкраінская аўдыторыя пра Беларусь? |

https://www.youtube.com/watch?v=MJzIB192T1I

Беларускі палітык Юры Беленькі аналізуе інфармацыю адносна Беларусі, якую спажывае ўкраінская аўдыторыя праз украінскія СМІ.

21/7/2022 › Навіны

Зянон Пазьняк: што робіць урад у выгнаньні, барацьба пад акупацыяй

У інтэрвію “Свабодзе” Зянон Пазьняк расказаў пра дзейнасьць Беларускага нацыянальнага сакратарыяту “Вольная Беларусь”, які ён узначальвае, пра тактыку супраціву падчас акупацыі, пра альтэрнатыву эўраінтэграцыі, а таксама адказаў украінцам, якія крытыкуюць беларусаў і выказаўся пра галоўнага партнэра беларусаў ва Ўкраіне.

https://www.youtube.com/watch?v=anOTZBXlc-0

20/7/2022 › Навіны, Зянон Пазьняк

Зянон ПАЗЬНЯК: АРХІЎНЫЯ СТАРОНКІ (2)

Неяк адчыніў “Цяжкі час” (т.2), які выдаў 12 гадоў таму, і патрапіў на лісты аб абароне беларусаў (гл. у канцы). Звычайная зьява. Мы, фронтаўцы, змагаліся за кожнага беларуса. Тых, пра каго сказана ў дакумантах, удалося адстаяць, але хлопцы адпакутвалі з-за вар’ята.

Тады мной было арганізавана некалькі мітынгаў перад будынкам ААН у Нью-Ёрку ў падтрымку гэтых вызьняў. Я нават папрасіў Рыгора Барадуліна напісаць верш у падтрымку і гонар гэтых нашых трох арыштаваных хлопцаў. І Рыгор напісаў такі выдатны верш (надрукаваны ў “Беларускіх Ведамасьцях”).

20/7/2022 › Навіны, Зянон Пазьняк

Зянон ПАЗЬНЯК: АРХІЎНЫЯ СТАРОНКІ (1)

Пачатак 21-га стагоддзя быў злавесны і стартаваў з трывожнай падзеі: абсалютную ўладу ў Расеі пераняў КГБ (ФСБ). Стала зразумела, што наперадзе — вайна, і магчыма — сусьветная. Лёзунг “Расея — гэта вайна” стаў для партыі (КХП — БНФ) дамінуючым. У Расеі да ўлады прыйшла партыя вайны. Аднак гэтая, праўда, мала значыла для савецкага абывацеля.

У 2000 годзе намі было прынята рашэньне паспрабаваць склікаць Міжнародную канфэрэнцыю кіруючых асобаў краінаў Эўропы і Амэрыкі, каб абмеркаваць пытаньне пра магчымасьць агрэсіі і вялікай вайны з боку гэбісцкай Расеі.
Нашыя партыйныя дэлегацыі з гэтай прапановай паехалі ў Парыж, Прагу, Варшаву, Вільню, Рыгу, Таллін, Вашынгтон і інш. Я езьдзіў у Рыгу, Варшаву і Вашынгтон.

17/7/2022 › Навіны, Зянон Пазьняк

НАРОДНАЯ ЗАПАВЕДЗЬ

Усім прыхільнікам дэмакратыі і свабоды хацеў бы нагадаць праўду, на якой стаіць сьвет.

У якім бы стане ні трываў народ, ніколі нельга зьневажаць, абвінавачваць і ненавідзець агулам свой народ, яго мову і быт, калі толькі сапраўды Вы хочаце дэмакратыі і свабоды, і каб народ існаваў.

Народ як роднае дзіця, трэба толькі любіць, шкадаваць, абараняць і дапамагаць яму стаць лепшым нават тады, калі ён Вас ненавідзіць, і гора ягонае трэба браць на сябе, каб у сэрцы яно было горам Вашым.

Такімі былі беларускія адраджэнцы, пачынаючы ад Каліноўскага, што ўзьнялі народ зь небыцьця і бяды і, дзякуючы якім існуе Беларусь.

9-07-2022
Зянон Пазьняк

http://www.narodnaja-partyja.org/00–Naviny-c_hyphenminus-Galownac_ja–fr–pg/00–Naviny-c_hyphenminus-Galownac_ja–bk–an–01/narodnaazapavedz

17/7/2022 › Навіны, Зянон Пазьняк

Зянон ПАЗЬНЯК: ПРА “АБ’ЯДНАНЬНЕ ЎСІХ ДЭМАКРАТЫЧНЫХ СІЛАЎ”

Пэрыядычна ў Беларусі і сярод беларусаў за мяжой і, звычайна, у таталітарных рэжымах зноў і зноў узьнікае пытаньне пра “аб’яднаньне ўсіх дэмакратычных сілаў”. Пра сутнасьць такіх намераў даўно вядома, але варта паўтарыць.

“Аб’яднаньне ўсіх дэмакратычных сілаў” — гэта тыповы антыдэмакратычны таталітарны тэзіс, які зьяўляецца, як правіла, у аўтарытарных і таталітарных краінах з слабым узроўнем дэмакратыі і ўсталяваным кантролем спэцслужбаў над грамадзтвам.

11/7/2022 › Навіны, Зянон Пазьняк

Зянон ПАЗЬНЯК: РЭАЛЬНАСЬЦЬ ВАЙНЫ

Мэдыя-прастора — гэта асаблівая сфэра штучна створанага сьвету. Тое, што там адбываецца, уплывае на рэальнасьць, але не адпавядае ёй, бо супадае прыблізна, а часам супярэчыць рэальнасьці.
Ведаючы гэта, бывае карысна глянуць на сьвет вачыма староньняга фіксатара зьяваў і падзей, нягледзячы на ўласную заангажаванасьць у працэсы і на волевую зацікаўленасьць у іхным разьвіцьці.

У студзені гэтага года адбылася вайсковая акупацыя Рэспублікі Беларусь расейскім войскам. Масква ўвяла свае войскі, пераняла кантроль над ваеннай і стратэгічнай інфраструктурай Беларусі і, скарыстаўшы захоплены беларускі плацдарм, напала на Украіну.

Пачалася збройная агрэсія Расеі супраць Украіны. Захоплены ўкраінскія тэрыторыі, пяты месяц працягваецца маскоўска-украінская вайна.

10/7/2022 › Навіны, Зянон Пазьняк

ДА ЖАЎНЕРАЎ І АФІЦЭРАЎ БЕЛАРУСКАГА ВОЙСКА

(Ад Беларускага Нацыянальнага Сакратарыяту
руху “Вольная Беларусь”)

Калі рашысцкія акупанты прымусяць менскага вар’ята штурхнуць беларускіх вайскоўцаў ісьці вайной на Украіну, каб страляць па ўкраінцах, тады памятайце, у Вас ёсьць тры шляхі:

Першы шлях — ганебны і самагубчы для Вас і для гонару нашай краіны. Гэта падпарадкавацца шызоідным распараджэньням вар’ята, ступіць на Украіну са зброяй і забіваць ні ў чым не павінных перад Вамі украінцаў на іхняй зямлі, і таксама прыняць ад іх сваю бязсэнсоўную сьмерць.

9/7/2022 › Навіны, Зянон Пазьняк

Зянон ПАЗЬНЯК: ПОМНІ, ЖАЎНЕР, ШТО ПАВІНЕН РАБІЦЬ: КОЖНАЮ КУЛЯЙ РАШЫСТА ЗАБІЦЬ

Трагічныя дні. Пад горадам Лісічанск ва Ўкраіне загінулі шэсьць хлопцаў-ваяроў з батальёну “Волат” палка Каліноўскага. Слава героям! Цэлая калона рашыстаў з танкамі напала на іх.

Няма, не прыдумалі яшчэ такога пакараньня, якім мусіць быць пакараная шызоідная істота, якая сядзіць у Менску, глядзіць на Маскву і зьнішчае Беларускі народ.

Родная Беларусь і помста рускім фашыстам — мусіць быць у сэрцы.

8/7/2022 › Навіны, Зянон Пазьняк

МІМІКРЫЯ ПСЭЎДАПАЛІТЫКІ І БЕЛАРУСКІ НАЦЫЯНАЛЬНА-ВЫЗВОЛЬНЫ РУХ

Сярод думаючых беларусаў, здаецца, ужо не засталося асобаў, якія б ня ўбачылі і не зразумелі, што выбарчы праект 2020 года з Бабарыкам-Цапкалам і Ціханоўскімі — гэта шматхадовы эфэсбоўскі план Крамля, аформлены праз Газпрам і яго арганізацыі ў Беларусі. Сутнасьць праекту — стварэньне ўмоваў для фармальна дэмакратычнай замены нелегітымнага Лукашэнкі на іншага, дэмакратычна абранага стаўленьніка Крамля. Для Масквы гэта было важна, каб зрабіць анэксію Беларусі з апорай на легітымную прамаскоўскую ўладу і на легітымнага прэзыдэнта. Лукашэнка тым часам псаваў чысьціню афёры і ня ўпісваўся ў міжнароднае права.

Але ня ўсё пайшло для Масквы гладка. Сотні тысячаў беларусаў выйшлі на пратэсты пад нацыянальным Бел-Чырвона-Белым Сьцягам. Рух набыў нацыянальна-палітычную афарбоўку. Нацыянальны Беларускі сьцяг стаў галоўным героем і галоўным ідэйным сымвалам пратэстнагна руху, які пры ўмове радыкальнага абвастрэньня мог бы пагражаць існаваньню рэжымнай улады ў Беларусі і стаць небясьпечным прыкладам для расейцаў, нездаволеных палітыкай Крамля.

5/7/2022 › Навіны, Зянон Пазьняк

Юры Беленькі: Ці пагоніць Лукашэнка беларускае войска на вайну? Рэпрэсіі ў Беларусі |

Каментар беларускага палітыка Юрыя Беленькага па актуальных пытаньнях:
- Ці пагоніць рэжым Лукашэнку беларускіх вайскоўцаў на вайну ва Ўкраіну?
- Рэпрэсіі ў Беларусі.

https://www.youtube.com/watch?v=ADyRmFpncms

5/7/2022 › Навіны